პროდუქტის შესახებ:
100%-ით ნატურალური ლავანდის ეთერზეთი გამოირჩევა მთელი რიგი სასარგებლო თვისებებით, მათგან ყველაზე ღირსშესანიშნავი არის ის, რომ ამ ეთერზეთს ადამიანზე ერთდროულად სამ დონეზე შუძლია ზემოქმედება: ფიზიკურ, ემოციურ და მენტალურ დონეზე. სწორედ ამ განსაკუთრებული თვისების გამო იყენებენ მას არა მხოლოდ სამედიცინო პრაქტიკაში, არამედ კოსმეტოლოგიაშიც და პარფიუმერიაშიც.
რისთვის და როგორ გამოვიყენოთ ლავანდის ეთერზეთი:
- ამშვიდებს ნერვულ სისტემას, ხსნის გაღიზიანებას, უძილობას, ფიზიკურ და ემოციურ დაღლილობას, დეპრესიას და შფოთვას.
- დადებითად მოქმედებს გუნება-განწყობაზე.
- მნიშვნელოვნად ეხმარება მაღალი არტერიული წნევის დროს.
- აწესრიგებს კუჭ-ნაწლავის მოქმედებას და არეგულირებს კუჭის მჟავიანობას.
- გააჩნია შარდმდენი მოქმედება.
- ხელს უწყობს ჭრილობების დროულ შეხორცებას.
ყელის ტკივილის, ანგინის, ძლიერი ხველის, ბრონქიტის და ხმის დაკარგვის დროს - გაიკეთეთ ინჰალაცია: ნახევარ ლიტრ ადუღებულ ცხელ წყალში ჩააწვეთეთ 2-3 წვეთი ეთერზეთი და ისუნთქეთ არომატული ორთქლი.
დამწვრობის დროს - დაზიანებულ ადგილზე 2-3 წვეთი ზეთი საკმარისია იმისთვის, რომ წვა, შეშუპება და ბუშტუკები შეამციროთ. მზისგან მიღბული დამწვრობის დროს კი, თუ მალევე მოახერხებთ ეთერზეთის წასმას, ბუშტები საერთოდ არ გაგიჩნდებათ.
დასამშვიდებლად, დაღლილობის მოსახსნელად, რევმატიული ტკივილების დროს, ორგანიზმიდან ტოქსინების და შლაკების გამოსადევნად მიიღეთ ცხელი წყლის აბაზანა(თუ აკრძალული არ გაქვთ და ჯანმრთელობა ამის საშუალებას გაძლევთ), რომელშიც ჩააწვეთებთ 4-5 წვეთ ლავანდის ეთერზეთს.
უძილობის დროს - 1-2 წვეთი ეთერზეთი დააპკურეთ ბამბაზე და დაიდეთ ბალიშთან ახლოს.
თავის ტკივილის დროს - საფეთქლები და თავის ის ადგილი სადაც ტკივილს გრძნობთ დაიზილეთ ეთერზეთით.
კანის დასატენიანებლად, გამოსაკვებად და ანტიასაკობრივი ნიშნების საწინააღმდეგოდ დაამატეთ ეთერზეთის რამოდენიმე წვეთი კოსმეტიკურ საშუალებებში: კრემებში, შხაპის გელებში, თმის ნიღბებში.
მწერების საწინააღმდეგოდ - მწერებს არ უყვართ ლავანდის სუნი, ამიტომ თუ მათი კბენისგან თავდაცვა გადაწყვიტეთ იმეგობრეთ ლავანდის ეთერზეთთან.
პარაზიტების საწინააღმდეგოდ - ლავანდის შამპუნში ჩააწვეთეთ 4-5 წვთი ეთერზეთი, ააქაფეთ თმაზე, შეფუთეთ პოლიეთილენით, შემდეგ დაათბუნეთ პირსახოცით და დაიტოვეთ 40-60 წთ. ჩამოიბანეთ თმა, დაივარცხნეთ წმინდა კბილიანი სავრცხლით. თმის გაშრობის შემდეგ 1-2 წვეთი თითების ბალიშებით შეიზილეთ სკალპზე და დაიტოვეთ.
გაფრთხილება:
არ გამოიყენოთ ლავანდის ეთერზეთი ორსულობის პირველ ტრიმესტრში(რახან ადუნებს, საშვილოსნოს მოდუნებაც რომ არ გამოიწვიოს), ასევე არ არის რეკომენდებული ლავანდის ეთერზეთის გამოყენება რკინის და იოდის შემცველ პრეპარატებთან ერთად.
მოერიდეთ კონტაქტს თვალებთან, შიდა ყურთან და მგრძნობიარე უბნებთან. კონტაქტის შემთხვევაში ჩამოიბანეთ ბევრი გამდინარე წყლით. მოერიდეთ მზის სხივებს და ულტრაიისფერ სხივებს პროდუქტის გამოყენების შემდეგ მინიმუმ 12 საათის განმავლობაში.
შემადგენლობა:
Lavandula Angustifolia (ლავანდის) ზეთი.
