როცა არ იცი რა აჩუქო, აჩუქე FARMASi
საყვარელი ადამიანებისთვის საჩუქრის შერჩევა იმდენადვე რთულია, რამდენადაც მარტივი. თითქოს კარგად ვიცით ყველაფერი, რაც მათ გაახარებდათ, მაგრამ უამრავი რამ ან უკვე ვაჩუქეთ, ან ახლის ყიდვაში შეზღუდული ბიუჯეტი არ გვიწყობს ხელს. თუ შენც ამ დღეში აღმოჩნდი, იმედი გვაქვს, ეს ბლოგი დაგეხმარება! აქ იმ ნაკრებებსა თუ ცალკეულ პროდუქტებს გირჩევთ, რომლებიც სხვადასხვა ინტერესის ადამიანებისთვის სხვადასხვა ფასით შეგირჩიეთ.
ეს საჩუქარი, გპირდებით, რომ მაკიაჟის მოყვარულ ყველა ადამიანს გაახარებს - უსასრულო სილამაზისა და კრეატიულობის ნაზავი ერთ პალიტრაში! სახისა და თვალის პალიტრა, რომელიც ჰაილაითერს, რუჟს, ბრონზერსა და თვალის ჩრდილებს აერთიანებს, ერთნაირად დაგეხმარებათ მსუბუქი მაკიაჟის მორგებასა და საღამოს მძიმე მაკიაჟის განუმეორებელი ეფექტის მიღწევაში! გამოსაყენებლად ძალიან მოსახერხებელია, კომპაქტურ შეფუთვას კი ჩანთით მარტივად ატარებ ყველგან, სადაც მოისურვებ.
ჯანსაღი დღე ერთ ჩანთაში - კონტეინერები თერმოჩანთით
თუ საჩუქარს ეძებ მეგობრისთვის, რომელიც აქტიურად ცხოვრობს ან ახლა იწყებს და სურს, ჯანსაღად კვება ცხოვრების წესად აქციოს, ეს ნაკრები იდეალური არჩევანია! არ აქვს მნიშვნელობა სამსახურში, ლაშქრობასა თუ უბრალოდ სასეირნოდ გასვლისას - ეს თერმოიზოლირებული ორგანყოფილებიანი კონტეინერები შეუცვლელ სამსახურს გაუწევენ პატრონს.
რატომ კონკრეტულად ჩვენი ნაკრები? კონტეინერები უჟანგავი ფოლადისგანაა დამზადებული და ეკოლოგიურად სუფთაა, ისინი იდეალურად უნარჩუნებენ საკვებს პირვანდელ გემოსა და ტემპერატურას და იცავენ გაჟონვისგან; ტევადი, გამძლე და ლამაზი თერმოჩანთა კი (რომელშიც კოვზსა და ჩანგალსაც იპოვი) დამატებით უზრუნველყოფს საკვებისა და სასმლის ტემპერატურის შენარჩუნებას საათების მანძილზე. ასე რომ, თუ ჯანსაღს ეძებს - აჩუქე ფარმასი!
თერაპიის 9 სახელი - DR. C. TUNA ეთერზეთების ნაკრები
თუ საკუთარ თავზე ზრუნვა შენი და შენი საყვარელი ადამიანებისთვისაც უმნიშვნელოვანესია, მაშინ ჩვენს ფავორიტ ნაკრებს გიზიარებთ - 9 საოცარ ეთერზეთს ერთ ყუთში! ამ ნაკრებში აღმოაჩენ ჩვენს 100%ით ნატურალურ, ბუნებრივ ეთერზეთებს ლავანდას, ევკალიპტის, ფორთოხლის, ჩაის ხის, პიტნის, ციტრუსის, ნიაოულისა და ჟოჟობას არომატებით.
ეს საოცარი ეთერზეთები შეგიძლია გამოიყენო მასაჟისთვის, აბაზანაში, სახისა და ტანის კრემებში, დიფუზერში, სახლის მოვლის საშუალებებში თუ დამამშვიდებელი თერაპიისთვის. და თუ აქამდე ჯერ არც ერთი მათგანი გიცდია, იცოდე, რომ ამ ნაკრების თითოეული ეთერზეთი განსხვავებულ და დაუვიწყარ შეგრძნებებს გპირდება!
ბლოგის ბოლოს კი თუ ისევ ფიქრობ, ვის რა აჩუქო, წაიკითხე გაგრძელება და გაეცანი საჩუქრების სერიის მეორე ნაწილს