ეთერზეთების გამოყენების რამდენიმე გზა ფარმასისგან
თუ წინა ბლოგს გაეცანი, მაშინ უკვე იცი, რომ ეთერზეთების გამოყენებამდე ისინი აუცილებლად საბაზისო ეთერზეთს უნდა შეურიო - იქნება ეს ჟოჟობა, ტკბილი ნუში, სეზამი, მზესუმზირა თუ სხვა.. ახლა კი, დროა, მათ უამრავ დადებით თვისებასაც გაეცნო.
ამ ბლოგში გირჩევთ ეთერზეთების გამოყენების რამდენიმე გზას, რომელიც დაგეხმარება საგრძნობლად გაიუმჯობესო ცხოვრების ხარისხი და მენტალური თუ ფიზიკური ჯანმრთელობა ყოველდღიურად.
დილის გამამხნევებელი ზეთი
თუ წვეულებიდან გამთენიისას დაბრუნდი ან შორი გზიდან დაგვიანებით ჩამოფრინდი და დილით ძალებისა და ენერგიის მოსაკრებად მოტივაცია და გამხნევება გჭირდება, ლავანდის, ლიმონისა და გერანიუმის ეთერზეთები მოგანიჭებენ უსაზღვრო ენერგიას! ეს საოცარი მიქსი, რომელსაც მცენარეებისა და ვარდის ბუჩქების ნამდვილი სამოთხის სურნელი ასდის, დაგეხმარება იგრძნო ჰარმონიულობა და სისავსე მთელი დღის მანძილზე
გათავისუფლდი მზისგან დამწვრობის ტკივილისგან
იქნებ ამ ზაფხულს მზეზე ყოფნა ჩვეულებრივზე დიდხანს მოგიწია და დამწვრობასაც ვერ აარიდე თავი?! თუ ასეა, ჩვენ გირჩევთ მიქსს, რომელიც შენს კანს მოშუშებასა და განახლებაში ერთნაირად დაეხმარება.
პიტნის ზეთი, ლავანდა, გვირილა და გერანიუმი - აი, რა დაგეხმარება პრობლემის მარტივად გადაწყვეტაში. პიტნის ზეთი ცნობილია, როგორც ბუნებრივი ტკივილგამაყუჩებელი და ის მყისიერად აგრილებს, ამშვიდებს კანს; ხოლო ლავანდა, გვირილა და გერანიუმი კი ხელს უწყობს სიწითლის შემცირებას და აჩქარებს შეხორცებას. დაიტანე მათი მიქსი კანზე ბანაობის შემდეგ, კარგად შეიზილე განსაკუთრებით პრობლემურ ადგილებში და არ დაგავიწყდეს ბევრი სითხის მიღებაც.
მშვიდობით, პარაზიტებო!
არ აქვს მნიშვნელობა, სად ვართ - მთაში თუ ზღვაზე ან რამდენად ვიცავთ ჰიგიენის წესებს - პარაზიტებმა ყველგან შეიძლება მოგვაგნონ! თუ ამ პრობლემას ერთხელ მაინც შეუწუხებიხარ და ქიმიური საშუალებების გამოყენებასაც მაქსიმალურად არიდებ თავს, ეთერზეთები აქაც გამოგადგება!
შეურიე პიტნის, ლიმონის, ჩაის ხისა და თხილის ეთერზეთები სპრეის ბოთლში, კარგად აურიე, იპკურე სასურველ ადგილებში და პარაზიტებსაც საბოლოოდ დაემშვიდობები!
ბუნებრივი საშუალება აკნეს წინააღმდეგ
თუ აკნე გაწუხებს ჩაის ხის ეთერზეთი შენი იდეალური თანამგზავრი გახდება. ითვლება, რომ ჩაის ხე ამცირებს ანთებით პროცესებს და ხელს უწყობს აკნეს გამომწვევ ბაქტერიებთან (პროპიონი) ბრძოლას. გამოსაყენებლად, გააზავე ჩაის ხის ზეთი რომელიმე საბაზისო ეთერზეთთან და წერტილოვნად დაიტანე პრობლემურ ზონაზე. შედეგს მცირე პერიოდის შემდეგაც თვალნათლივ იგრძნობთ!
ბლოგის ბოლოს კი გიტოვებთ პატარა სიასაც, რომელიც უკეთ დაგეხმარება ეთერზეთების სწორად შერჩევაში:
განწყობის გასაუმჯობესებლად: ლავანდა, ვარდი, ფორთხოლის ყვავილი, პიტნა
შფოთვის დასარეგულირებლად: ლავანდა, ვარდი, ფორთოხლის ყვავილი
ანთებითი პროცესების შესამცირებლად: ლავანდა, პიტნა, ჩაის ხე
კანის მდგომარეობის გასაუმჯობესებლად: ლავანდა, ვარდი, საკმლის ხე, ჩაის ხე (აკნესთვის)
თავისტკივილის შესამსუბუქებლად: ლავანდა, პიტნა
სიცხის დასაკლებად: ლავანდა
იმუნური სისტემის გასაუმჯობესებლად: ლავანდა, ორეგანო
ბუნებრივი სუნამოებისთვის: ჟასმინი, ვარდი და სხვა ნებისმიერი მცენარეული ეთერზეთი
და მაინც - რომელი ეთერზეთიც არ უნდა სცადო, გპირდებით რომ საოცრად ისიამოვნებ!
არომათერაპია - ყველაფერი ეთერზეთების სასარგებლო თვისებებზე
დაკვირვებიხარ, რამდენჯერ გაუხსენებია შენთვის წარსული მივიწყებულ, მაგრამ ერთ დროს საყვარელ სურნელს? რა შეგრძნება გეუფლება, როცა წვიმის მერე სველი მიწის სუნი გცემს? ანაც მაშინ, როცა შენი საყვარელი კერძის სუნს იგრძნობ მოულოდნელად? სურნელსა და არომატებს ნამდვილად შეუძლიათ ბევრნაირად იმოქმედონ ჩვენზე - დაგვამშვიდონ, გაგვაბედნიერონ, აგვაფორიაქონ ან სულაც სხვა დროსა და ქვეყანაში გადაგვისროლონ..
ველნეს კულტურასა და არომათერაპიაში არომატების ამ საოცარ თვისებას უკვე საუკუნეებია იყნებენ მენტალური ჯანმრთელობის, განწყობის და ზოგადად ცხოვრების ხარისხის გაუმჯობესებისთვის. თუმცა თავდაპირველად ბევრისთვის საკმაოდ დამაბნეველი შეიძლება აღმოჩნდეს ეთერზეთების შერჩევის, მათი სწორად და მრავალფეროვნად გამოყენების პროცესი.
ამ ბლოგში მოგიყვებით ყველაფერს ეთერზეთებისა და მათი უსაფრთხოდ გამოყენების შესახებ.
ეთერზეთები მცენარეთა მაღალი კონცენტრაციის ექსტრაქტებისგან დამზადებული ბუნებრივი ზეთებია. სწორედ მაღალი კონცენტრაციის გამო ისინი საკმაოდ ძლიერ საშუალებებს წარმოადგენენ და რამდენიმე წვეთის გამოყენებაც კი საოცარ შედეგს იძლევა.
ეთერზეთის სხეულზე გამოყენებისას ის მოქმედებს როგორც კანზე, ასევე ჩვენი გადამამუშავებელი სისტემისა და გონების მუშაობაზე. მაგალითად - თუკი გაწუხებს აკნე და ხშირი გამონაყარი, შენთვის იდეალური იქნება ციტრუსის ეთერზეთების გამოყენება, რადგან ის არამხოლოდ კანს დაგიმშვიდებს, არამედ დაგეხმარება კვებისა და მონელების პროცესის დარეგულირებასა და გონების რელაქსაციაში. თუ პირიქით, მშრალი კანი გაქვს, ფორთოხლის ეთერზეთი დაგეხმარება ერთი მხრივ კანის დამშვიდებაში, მეორე მხრივ კი თირკმელზედა ჯირკვლების ფუნქციონირების გაუმჯობესებაში, რაც თავის მხრივ ძალიან მნიშვნელოვანია, რადგან ამ ჯირკვლების მოდუნება ავტომატურად იწვევს კანის გამოშრობას. ამ ყველაფერთან ერთად, ეთერზეთები სუნამოების, მისტების, დეოდორებისა და ჰაერის გამწმენდების უკეთეს ალტერნატივას წარმოადგენენ, რადგან, ყველამ ვიცით, რამდენად აბინძურებს გარემოს აეროზოლების გამოყენება.
თუმცა რამდენადაც ეფექტური და საოცარია ეთერზეთების გამოყენების შედეგი, იმდენადვე მნიშვნელოვანია მათი სწორად გამოყენება.
უპირველესი რამ, რაც უნდა გაითვალისწინო ისაა, რომ ეთერზეთები არასდროს დაიტანო პირდაპირ კანზე - უპირველესად, ის უნდა შეურიო საბაზისო ეთერზეთს, როგორიცაა, მაგალითად: ჟოჟობა, სეზამი, ნუში ან მზესუმზირა. ბაზად აუცილებლად ცივი დაწურვის ეთერზეთი გამოიყენე, რათა შერევისას მთავარი ვიტამინები არ დაიაკრგოს. გასანეიტრალებლად ძალიან კარგი საშუალებაა ასევე წყალიც - შეგიძლია რამდენიმე წვეთი დაამატო წყალს ბანაობისას ან ტანის მისტს შეურიო გაპკურებამდე და ისიამოვნო ეთერზეთების საოცარი შესაძლებლობებით!
თუ ამ ყველაფერმა დაგაინტერესა და გსურს, შენც გამოსცადო ეთერზეთების ძალა და ენერგია, შემდეგ ბლოგში გაგაცნობთ მათი გამოყენების რამდენიმე მარტივ გზას, რომელიც დაგეხმარება მოიგვარო კონკრეტული პრობლემები ან უბრალოდ მეტად ეფექტური გახადო შენი დღე.